അത്ഭുത ഗോള് നേടി വീണ്ടും ഞെട്ടിച്ച് ആഴ്സണല് താരം ജിറൗഡ്; ഇതാണ് വീണ്ടും കാണാന് തോന്നുന്ന ആ വിസ്മയ ഗോള്
ലണ്ടന്: കഴിഞ്ഞ ദിവസം നടന്ന യൂറോപ്പ ലീഗ് മത്സരത്തില് ഒലിവര് ജിറൗഡിന്റെ ഗോള് കണ്ട് തലയില് കൈവെക്കാത്ത ആരുമില്ല. യൂറോപ്പ ലീഗ് മത്സരത്തില് സെര്ബിയന് ക്ലബ്ബ് റെഡ് സ്റ്റാര് ബെല്ഗ്രേഡിനെതിരേ ആഴ്സണലിന്റെ ഫ്രഞ്ച് താരം ഒലിവര് ജിറൗഡിന്റെ ആ അത്ഭുത ഗോള് റീവൈന്ഡ് ചെയ്താലേ അത് എങ്ങനെയാണ് ഗോള് പോസ്റ്റിനുള്ളിലേക്ക് കയറിയതെന്ന് മനസിലാവുകയുള്ളു.
Wilshere to Walcott to Giroud, who finishes the move with an overhead kick. pic.twitter.com/4REL67eXba
— FourFourTwo ⚽️ (@FourFourTwo) October 19, 2017
മത്സരത്തിന്റെ 85ാം മിനുട്ടില് മനോഹരമായ പാസിംഗ് ഗെയിമിനൊടുവിലാണ് ജിറൗഡ് അത്ഭുത ഫിനിഷിംഗ് നടത്തിയത്.റെഡ് സ്റ്റാറിന്റെ പെനല്റ്റി ബോക്സിലേക്ക് ജാക്ക് വില്ഷെയറും തിയോ വാല്ക്കോട്ടും ചേര്ന്ന് പാസ് ചെയ്തുകൊണ്ടുവന്ന പന്ത് ജിറൗഡ് ഓവര് ഹെഡ് വോളിയിലൂടെ പോസ്റ്റിന്റെ മൂലയിലേക്കെത്തിക്കുകയായിരുന്നു. മത്സരം ആഴ്സണല് 10ന് ജയിച്ചു. യൂറോപ്പ ലീഗ് ഗ്രൂപ്പ് എച്ചിലെ മൂന്ന് മത്സരങ്ങളില് മൂന്നിലും ജയിച്ച ആഴ്സണലാണ് ഒന്നാമത്.
കഴിഞ്ഞ ജനുവരിയില് ക്രിസ്റ്റല് പാലസിനെതിരേ അത്ഭുത ഗോളടിച്ചും ജിറൗഡ് വാര്ത്ത സൃഷ്ടിച്ചിരുന്നു. ക്രിസ്റ്റല് പാലസനെതിരേ സ്കോര്പിയന് കിക്കിലൂടെ ഗോള് നേടിയാണ് ജിറൗഡ് ആരാധകരെ അമ്പരിപ്പിച്ചത്.