വാട്സ് ആപ്പ് വീണ്ടും പണിമുടക്കി ; പിന്നെ തിരിച്ചു വന്നു
സന്ദേശങ്ങളുടെ ബാഹുല്യം കാരണം ജനപ്രിയ മെസേജിങ് ആപ്പായ വാട്‌സ്ആപ്പ് പണിമുടക്കി. ഇതോടെ പ്രിയപ്പെട്ടവര്‍ക്ക് പുതുവല്‍സരാശംസകള്‍ നേരാന്‍ കാത്തിരുന്നവര്‍ എല്ലാം നിരാശരായി. സാങ്കേതിക തകരാര്‍ മൂലം ഒരു മണിക്കൂറിലധികമാണ് വാട്സ് ആപ്പ് പണിനിര്‍ത്തിയത്. ഇന്ത്യയില്‍ പുതുവത്സരം പുലര്‍ന്ന് കുറച്ചു സമയം കഴിഞ്ഞപ്പോള്‍ ആണ് വാട്സ് ആപ്പ് പണി മുടക്കിയത്. തുടര്‍ന്ന്‍ പുലര്‍ച്ച ഒരു മണിയോടെയാണ് തകരാര്‍ പരിഹരിക്കാനായത്.
പണിമുടക്ക് പുതുവത്സരം പിറക്കുന്ന സമയത്തായതിനാല്‍ നിരവധി ആശംസ സന്ദേശങ്ങളാണ് കൈമാറാനാകാതെ കിടന്നത്. ഇന്ത്യ, മലേഷ്യ, യു.എസ്.എ, ബ്രസീല്‍, യൂറോപ്യന്‍ രാജ്യങ്ങള്‍ എന്നിവിടങ്ങളിലുള്ള കോടികണക്കിന് ഉപഭോക്താക്കളെ ഇത് മൂലം നിരാശയിലാഴ്ത്തി. ആഴ്ചകള്‍ക്ക് മുന്‍പ് ഇതുപോലെ വാട്സ് ആപ്പ് പണിമുടക്കിയിരുന്നു.
