സിനിമാ തിയറ്ററുകളില്‍ ദേശിയ ഗാനം നിര്‍ബന്ധമില്ല എന്ന് സുപ്രീംകോടതി
സിനിമാ തിയേറ്ററുകളില്‍ സിനിമ ആരംഭിക്കുന്നതിനു മുന്‍പ് ദേശീയഗാനം കാണിക്കണം എന്ന വിഷയത്തില്‍ 2016 നവംബറിലെ സുപ്രിംകോടതി ഉത്തരവ് കോടതി ഭേദഗതി ചെയ്തു. ദേശിയ ഗാനം നിര്‍ബന്ധമില്ലെന്ന ഉത്തരവ് പുറപ്പെടുവിച്ച സുപ്രിംകോടതി. ഇത് സംബന്ധിച്ച തീരുമാനം തിയേറ്റര്‍ ഉടമകള്‍ക്ക് വിട്ടു. സിനിമാ തിയേറ്ററുകളില്‍ ദേശീയ ഗാനം നിര്‍ബന്ധമാക്കിയ 2016 നവംബറിലെ ഉത്തരവ് തല്‍ക്കാലം നടപ്പാക്കരുതെന്ന കേന്ദ്ര സര്‍ക്കാര്‍ ആവശ്യപ്പെട്ടിരുന്നു. കഴിഞ്ഞ ദിവസമാണ് കേന്ദ്രം പുതിയ സത്യവാങ്മൂലം നല്‍കിയത്.
ദേശീയ ഗാനം കേള്‍പ്പിക്കണോയെന്ന് തീരുമാനിക്കേണ്ടത് കേന്ദ്ര സര്‍ക്കാരാണെന്ന് കോടതി നേരത്തെ പറഞ്ഞിരുന്നു. ഇതിന്റെ അടിസ്ഥാനത്തില്‍ പ്രത്യേക സമിതി രൂപീകരിച്ചെന്നും ആറുമാസത്തിനകം റിപ്പോര്‍ട്ട് നല്‍കുമെന്നും കേന്ദ്രം കോടതിയെ അറിയിച്ചിരുന്നു. ചീഫ് ജസ്റ്റിസ് ദീപക് മിശ്രയുടെ നേതൃത്വത്തിലുള്ള ബെഞ്ചാണ് വിധി പ്രസ്താവിച്ചത്. ഇതോടെ ദേശിയഗാനം കാണിക്കണോ വേണ്ടയോ എന്ന് തീരുമാനിക്കേണ്ടത് തിയറ്റര്‍ ഉടമകള്‍ ആണ്.
