ഈ 23 കാരിയുടെ മുഖത്തു ഡോക്ടര്‍മാര്‍ വീര്‍പ്പിച്ചത് നാല് ബലൂണുകള്‍; കാരണം ഈ ബലൂണുകള്‍ക്കെ ഇവളെ ഇനി രക്ഷിക്കാനാകു
ചൈനയിലെ ഗ്യാന്‍സ്യൂ സ്വദേശിനിയായ സിയാ യാന്‍ എന്ന 23 കാരി പെണ്‍കുട്ടിയെ കാണുന്നവരെല്ലാം ആദ്യം കളിയാക്കി ചിരിച്ചിരുന്നു.പക്ഷെ ഇപ്പോള്‍ അവര്‍ക്കെല്ലാം ഇവളുടെ മുഖം കാണുമ്പോള്‍ അമ്പരപ്പാണ് തോന്നുക.കാരണം ഒരു ബലൂണ്‍ വീര്‍പ്പിച്ചാല്‍ എങ്ങനെയുണ്ടാകും അങ്ങനെയാണ് ഇന്ന് അവളുടെ മുഖം.ഒരു സ്‌റ്റൈലിന് വേണ്ടി ചെയ്തതല്ല ഇവള്‍.പക്ഷേ ഈ പെണ്‍കുട്ടി ജീവിതത്തിനും കാന്‍സറിനും ഇടയിലെ പോരാട്ടത്തിലാണ്.
സിയാ യാന്‍ ജനിച്ചത് മുഖത്തൊരു വലിയ മറുകുമായായിരുന്നു. അവളുടെ മുഖത്തിന്റെ പാതിയിലേറെയും ആ മറുക് മൂടിയിരുന്നു. സിയാ യാന്‍ വളര്‍ന്നതോടെ അവള്‍ക്കൊപ്പം മുഖത്തെ മറുകും വളര്‍ന്നു. ജന്മനാതനിക്ക് ലഭിച്ച ഈ മറുകിനെയോര്‍ത്ത് അവള്‍ പക്ഷെ കരയാനോ,ദുഃഖിച്ചിരിക്കാനോ തയ്യാറായില്ല.സന്തോഷത്തോടെ ആടിപ്പാടി ചിരിച്ചുല്ലസിച്ചാണ് അവള്‍ കഴിഞ്ഞിരുന്നത്.
എന്നാല്‍ കാര്യങ്ങള്‍ തകിടം മറിയാന്‍ തുടങ്ങിയത് കഴിഞ്ഞ മാര്‍ച്ച് മാസത്തോടെയായിരുന്നു. 500,000ത്തില്‍ ഒരാള്‍ക്ക് ബാധിക്കുന്ന കോണ്‍ജിനീറ്റല്‍ മെലാനോസൈറ്റിക്ക് നീവസ് (congenital melanocytic nevus ) ആയിരുന്നു സിയായുടെ പ്രശ്‌നം. മറുകില്‍ ശക്തമായ വേദന അനുഭവപ്പെടാന്‍ തുടങ്ങിയതോടെ ചൈനയിലെ ഷാന്‍ഘായി പീപ്പിള്‍ ആശുപത്രിയില്‍ എത്തി. മറുകിലെ കോശങ്ങളില്‍ കാന്‍സര്‍ സെല്ലുകള്‍ വളരാന്‍ സാധ്യതയുള്ളതായി പരിശോധനയില്‍ കണ്ടെത്തി. സിയയുടെ അവസ്ഥയുള്ള 5-10 ശതമാനം ആളുകള്‍ക്കും ഇത്തരത്തില്‍ കാന്‍സര്‍ സാധ്യത ഉണ്ടാകാറുണ്ടെന്ന് ഡോക്ടര്‍മാര്‍ പറയുന്നു.
ഇതിനു പരിഹാരമായി സിയയുടെ മുഖത്തു ബലൂണ്‍ ചികിത്സ ആരംഭിച്ചു. മുഖത്തു പുതിയ കോശങ്ങള്‍ വളരാന്‍ വേണ്ടി നാലു ബലൂണുകളാണ് മുഖത്ത് ഇംപ്ലാന്റ് ചെയ്തിരിക്കുന്നത്. ഇതുവഴി മുഖം വികസിപ്പിച്ച് പുതുകോശങ്ങള്‍ വളര്‍ത്തി എടുക്കാം. ശേഷം മറുക് നീക്കം ചെയ്യുമ്പോള്‍ ആ സ്ഥാനത്തു ഈ കോശങ്ങള്‍ വെച്ചുപിടിപ്പിക്കാം.ഡോക്ടര്‍മാരുടെ ചികിത്സ ഫലം ചെയ്യുമെന്ന പ്രതീക്ഷയിലാണ് സിയാ ഇപ്പോള്‍.
കുടുംബം എന്നും തനിക്കൊപ്പം ഉണ്ടായിരുന്നു എന്നും അതാണ് തന്റെ ഊര്‍ജ്ജമെന്നും അവള്‍ പറയുന്നു. ചികിത്സയ്ക്ക് ശേഷം തന്റെ ‘പുതിയ മുഖ’ത്തിനു വേണ്ടി കാത്തിരിക്കുകയാണ് സിയാ യാന
