എ ടി എമ്മില്‍ പണം നിറയ്ക്കുന്നതിനു കര്‍ശന നടപടികളുമായി സര്‍ക്കാര്‍
രാജ്യത്തെ എടിഎമ്മില്‍ പണം നിറക്കുന്നതുമായി ബന്ധപ്പെട്ട്പുതിയ മാര്‍ഗനിര്‍ദേശങ്ങള്‍ പുറത്തിറക്കി സര്‍ക്കാര്‍. നഗരങ്ങളില്‍ രാത്രി ഒമ്പതുമണിക്കുശേഷം എടിഎമ്മുകളില്‍ പണം നിറയ്ക്കരുത്. ഗ്രാമപ്രദേശങ്ങളില്‍ സമയപരിധി ആറുമണിയാക്കി. ഒറ്റ ട്രിപ്പില്‍ വാഹനത്തില്‍ അഞ്ചുകോടി രൂപയില്‍ കൂടുതല്‍ കൊണ്ടുപോകരുതെന്നും നിര്‍ദേശത്തില്‍ പറയുന്നു.
ആയുധധാരികളായവരുടെ ആക്രമണമുണ്ടായാല്‍ ചെറുക്കുന്നതിന് പരിശീലനം ലഭിച്ചവര്‍ വാഹനത്തിലുണ്ടാകണം. പണം കൊണ്ടുപോകുന്ന സംഘത്തിന്റെ ആധാര്‍ ഉള്‍പ്പടെയുള്ള വിവരങ്ങള്‍ സൂക്ഷിക്കണമെന്നും നിര്‍ദേശത്തില്‍ പറയുന്നു. അതുപോലെ സുരക്ഷ അലാം ജിഎസ്എം അടിസ്ഥാനമാക്കി പ്രവര്‍ത്തിക്കുന്ന ഓട്ടോ ഡയലര്‍ സംവിധാനം എന്നിവ പണം കൊണ്ടു പോകുന്ന വാഹനത്തിലുണ്ടാകണമെന്നും നിര്‍ദേശത്തില്‍ വ്യക്തമാക്കിയിട്ടുണ്ട്.
