ഓസ്ട്രേലിയില്‍ നിന്നും മമ്മൂട്ടി ഫാന്‍സിന്റെ ആദ്യ ചാര്‍ട്ടേഡ് വിമാനം കൊച്ചിയില്‍
വിദേശത്തു കുടുങ്ങിയവരെ നാട്ടിലെത്തിക്കാന്‍ മമ്മൂട്ടി ഫാന്‍സിന്റെ നേതൃത്വത്തില്‍ ഒരുക്കിയ ആദ്യ ചാര്‍ട്ടേഡ് വിമാനം കൊച്ചിയിലെത്തി. വിസ കാലാവധി കഴിഞ്ഞ് ഓസ്ട്രേലിയയുടെ വിവിധ ഭാഗങ്ങളില്‍ കുടുങ്ങി കിടക്കുകയായിരുന്ന 22 പേരെ വഹിച്ചുകൊണ്ടാണ് മമ്മൂട്ടി ഫാന്‍സ് ഒരുക്കിയ ആദ്യ ചാര്‍ട്ടേഡ് വിമാനം കൊച്ചിയിലെത്തിയത്. ഓസ്ട്രേലിയ ആസ്ഥാനമായ ഫ്‌ലൈ വേള്‍ഡ് മൈഗ്രേഷനും സില്‍ക് എയര്‍വെയ്സും മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണല്‍ ഓസ്ട്രേലിയ ഘടകവുമായി ചേര്‍ന്നാണ് വിമാനം ചാര്‍ട്ട് ചെയ്തത്.
പെര്‍ത്തില്‍ നിന്നാണ് വിമാനം പുറപ്പെട്ടത്. ഓസ്ട്രേലിയയിലെ മമ്മൂട്ടി ഫാന്‍സ് അസോസിയേഷന്‍ സെക്രട്ടറി ബിനോയ് പോള്‍ ഫ്‌ലാഗ് ഓഫ് ചെയ്തു. ചാര്‍ട്ടേഡ് വിമാനം ഒരുക്കിയ ആരാധകര്‍ക്ക് മമ്മൂട്ടി നന്ദി അറിയിക്കുന്ന ശബ്ദസന്ദേശം മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണല്‍ പ്രസിഡന്റ് റോബര്‍ട്ട് കുര്യാക്കോസ് ഫെയ്സ്ബുക്കില്‍ പങ്കുവച്ചു.
