ഐ.പി.എല്‍ ; ആദ്യ മത്സരം മുംബൈയും ചെന്നൈയും തമ്മില്‍
ഈ വര്‍ഷത്തെ ഐപിഎല്ലിന്റെ മത്സരക്രമം പുറത്തിറക്കി ബി.സി.സി.ഐ. നിലവിലെ ചാമ്പ്യന്മാരായ മുംബൈ ഇന്ത്യന്‍സും രണ്ടാം സ്ഥാനക്കാരായ ചെന്നൈ സൂപ്പര്‍ കിങ്‌സും തമ്മിലാണ് ഉദ്ഘാടന മത്സരം. സെപ്തംബര്‍ 19ന് അബൂദബിയിലാണ് മത്സരം. ഡ്രീം ഇലവനാണ് ഇത്തവണത്തെ ഐ.പി.എല്ലിന്റെ സ്‌പോണ്‍സര്‍മാര്‍.
രണ്ടാമത്തെ മത്സരം സെപ്തംബര്‍ 20ന് ഡല്‍ഹി ക്യാപിറ്റല്‍സും കിങ്‌സ് ഇലവന്‍ പഞ്ചാബും തമ്മിലാണ്. സണ്‍റൈസേഴ്‌സ് ഹൈദരാബാദ് – റോയല്‍ ചലഞ്ചേഴ്‌സാണ് മൂന്നാം മത്സരം. ഈ രണ്ട് മത്സരങ്ങളും ദുബൈയിലാണ്.
അടുത്ത രണ്ട് മത്സരങ്ങള്‍ യഥാക്രമം ഷാര്‍ജ, അബൂദബി എന്നീ വേദികളില്‍ നടക്കും. 24 മത്സരങ്ങള്‍ ദുബൈയിലും 20 മത്സരങ്ങള്‍ അബൂദബിയിലും 12 മത്സരങ്ങള്‍ ഷാര്‍ജയിലുമാണ് നടക്കുക. പ്ലേ ഓഫുകളുടെ വേദികളും സമയവും പിന്നീട് പ്രഖ്യാപിക്കും. കോവിഡ് പ്രതിസന്ധികള്‍ മൂലമാണ് ഇത്തവണ മത്സരങ്ങള്‍ യു.എ.ഇയിലേക്ക് മാറ്റിയത്.
