പാലത്തായി കേസില്‍ പുതിയ അന്വേഷണ സംഘം
പാലത്തായി പീഡനകേസ് അന്വേഷണത്തിന് ഐ.ജി റാങ്കില്‍ ഉള്ള ഉദ്യോഗസ്ഥന്റെ നേതൃത്വത്തില്‍ പുതിയ സംഘം രൂപീകരിക്കാന്‍ ഹൈക്കോടതി ഉത്തരവ്. നിലവിലെ അന്വേഷണ സംഘത്തില്‍ ഉള്ള ഉദ്യോഗസ്ഥരെ പുതിയ സംഘത്തില്‍ ഉള്‍പ്പെടുത്തരുത് എന്നും കോടതി ഉത്തരവിട്ടു.പീഡനത്തിന് ഇരയായ പെണ്‍കുട്ടിയുടെ അമ്മയുടെ ഹരജിയില്‍ ആണ് കോടതി ഉത്തരവ്.
രണ്ടാഴ്ചയ്ക്കകം പുതിയ സംഘം രൂപീകരിക്കണം എന്നും ഡി.ജി.പിയ്ക്ക് നിര്‍ദേശം നല്‍കി. പുതിയ അന്വേഷണ സംഘം എന്ന ആവശ്യത്തെ സര്‍ക്കാര്‍ എതിര്‍ത്തില്ല. പാലത്തായി കേസന്വേഷണത്തിന് പ്രത്യേക സംഘത്തെ നിയമിക്കാന്‍ തയാറാണെന്ന് സര്‍ക്കാരും കോടതിയെ അറിയിച്ചു.
