സംസ്ഥാനത്ത് ഇന്ന് 5980 പേര്ക്ക് കൊവിഡ് സ്ഥിരീകരിച്ചു
കേരളത്തില് ഇന്ന് 5980 പേര്ക്ക് കൊവിഡ് സ്ഥിരീകരിച്ചു. 5487 പേര്ക്കും സമ്പര്ക്കത്തിലൂടെയാണ് ഇന്ന് കൊവിഡ് ബാധിച്ചത്. 64346 പേര് ചികിത്സയിലുണ്ട്. ഉറവിടം അറിയാത്ത 386 കേസുകളാണ് ഉള്ളത്. 41 ആരോഗ്യപ്രവര്ത്തകര്ക്ക് ഇന്ന് കൊവിഡ് സ്ഥിരീകരിച്ചു. 80106 സാമ്പിളുകള് പരിശോധിച്ചു. ജനുവരി 24 ന് 82891 പേര് ചികിത്സയില് ഉണ്ടായിരുന്നു. ഫെബ്രുവരി 7 ആയപ്പോഴേക്കും കേസുകളില് കുറവ് രേഖപ്പെടുത്തിയിട്ടുണ്ട്. എറണാകുളം 811, കൊല്ലം 689, കോഴിക്കോട് 652, കോട്ടയം 575, പത്തനംതിട്ട 571, തൃശൂര് 540, തിരുവനന്തപുരം 455, മലപ്പുറം 421, ആലപ്പുഴ 411, കണ്ണൂര് 213, വയനാട് 201, പാലക്കാട് 191, ഇടുക്കി 179, കാസര്ഗോഡ് 71 എന്നിങ്ങനെയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ ദിവസങ്ങളിലുണ്ടായ 18 മരണങ്ങളാണ് കോവിഡ്19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 3920 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്. ഇന്ന് രോഗം സ്ഥിരീകരിച്ചവരില് 96 പേര് സംസ്ഥാനത്തിന് പുറത്ത് നിന്നും വന്നവരാണ്. 5457 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 386 പേരുടെ സമ്പര്ക്ക ഉറവിടം വ്യക്തമല്ല. എറണാകുളം 748, കൊല്ലം 677, കോഴിക്കോട് 622, കോട്ടയം 535, പത്തനംതിട്ട 514, തൃശൂര് 524, തിരുവനന്തപുരം 320, മലപ്പുറം 395, ആലപ്പുഴ 405, കണ്ണൂര് 188, വയനാട് 195, പാലക്കാട് 109, ഇടുക്കി 163, കാസര്ഗോഡ് 62 എന്നിങ്ങനേയാണ് സമ്പര്ക്കത്തിലൂടെ രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 5745 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം 354, കൊല്ലം 738, പത്തനംതിട്ട 417, ആലപ്പുഴ 394, കോട്ടയം 234, ഇടുക്കി 385, എറണാകുളം 766, തൃശൂര് 440, പാലക്കാട് 196, മലപ്പുറം 318, കോഴിക്കോട് 829, വയനാട് 315, കണ്ണൂര് 277, കാസര്ഗോഡ് 82 എന്നിങ്ങനേയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 64,346 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 9,14,847 പേര് ഇതുവരെ കോവിഡില് നിന്നും മുക്തി നേടി.
