റോണാള്‍ഡോയുടെ കട്ടൗട്ട് ഉയര്‍ത്തുന്നതിനിടെ വൈദ്യുതി ലൈനില്‍ നിന്ന് ഷോക്കേറ്റ് പാലക്കാട് 4 പേര്‍ക്ക് പരിക്ക്
പാലക്കാട് : ലോകകപ്പ് ആഘോഷത്തിന്റെ ഭാഗമായി സംസ്ഥാനത്ത് കട്ടൗട്ട് മത്സരം തുടരുകയാണ്. ഇഷ്ട്ട താരത്തിന്റെ ഏറ്റവും വലിപ്പമുള്ള കട്ടൗട്ട് വെച്ച് ആരാധന തെളിയിക്കാനുള്ള മത്സരവും നടക്കുന്നുണ്ട്. ഇത് പല അപകടങ്ങള്‍ക്കും കാരണമാകുന്നു എന്നതും വേറെകാര്യം. അത്തരത്തില്‍ പോര്‍ച്ചുഗല്‍ താരം ക്രിസ്റ്റ്യാനോ റോണാള്‍ഡോയുടെ കട്ടൗട്ട് ഉയര്‍ത്തുന്നതിനിടെ വൈദ്യുതി ലൈനില്‍ ഷോക്കേറ്റ് അപകടം. പാലക്കാട് മേലാമുറിയിലായിരുന്നു സംഭവം. അപകടത്തില്‍ നാല് പേര്‍ക്ക് പരിക്കേറ്റു. ഇവരെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമായ ഒരാളെ ഐസിയുവിലേക്ക് മാറ്റിയിട്ടുണ്ട്. കട്ടൗട്ട് കെട്ടി ഉയര്‍ത്തുന്നതിനിടെ വൈദ്യുതി ലൈനില്‍ നിന്ന് നേരിട്ട് ഷോക്കേല്‍ക്കുകയായിരുന്നു. നിലവില്‍ എല്ലാവരുടെയും ആരോഗ്യനില തൃപ്തികരമാണ്.
