ട്രംപിന്റെ ക്രിസ്മസ് വിരുന്നില് അതിഥിയായി മല്ലിക ഷെരാവത്ത്
പി പി ചെറിയാന്
വാഷിംഗ്ടണ് ഡി.സിയിലെ വൈറ്റ് ഹൗസില് നടന്ന ക്രിസ്മസ് വിരുന്നില് ബോളിവുഡ് താരം മല്ലിക ഷെരാവത്ത് അതിഥിയായി പങ്കെടുത്തു. പ്രസിഡന്റ് ഡോണള്ഡ് ട്രംപ് നല്കിയ ഈ ക്ഷണം തനിക്ക് ലഭിച്ച വലിയൊരു ബഹുമതിയാണെന്ന് താരം പ്രതികരിച്ചു.
ഡിസംബര് 18-നായിരുന്നു വൈറ്റ് ഹൗസില് ക്രിസ്മസ് സ്വീകരണം സംഘടിപ്പിച്ചത്. ആഘോഷത്തില് പങ്കെടുത്ത താരം, വൈറ്റ് ഹൗസിലെ ക്രിസ്മസ് അലങ്കാരങ്ങളുടെ ചിത്രങ്ങളും ട്രംപ് അതിഥികളെ അഭിസംബോധന ചെയ്യുന്ന വീഡിയോയും ഇന്സ്റ്റാഗ്രാമിലൂടെ പങ്കുവെച്ചു.
വൈറ്റ് ഹൗസിലെ ക്രിസ്മസ് വിരുന്നില് പങ്കെടുക്കാന് കഴിഞ്ഞത് തികച്ചും അവിശ്വസനീയമായ അനുഭവമാണെന്ന് മല്ലിക ഇന്സ്റ്റാഗ്രാമില് കുറിച്ചു. ഇതിനെ തന്റെ കരിയറിലെ തന്നെ സവിശേഷമായ നിമിഷമായാണ് താരം വിശേഷിപ്പിച്ചത്.
മല്ലിക ഷെരാവത്തിന് വൈറ്റ് ഹൗസിലേക്ക് ക്ഷണം ലഭിക്കുന്നത് ഇതാദ്യമല്ല. 2011-ല് ഒബാമ ഭരണകൂടത്തിന്റെ കാലത്ത് ‘വൈറ്റ് ഹൗസ് കറസ്പോണ്ടന്റ്സ് ഡിന്നറിലും’ അവര് പങ്കെടുത്തിരുന്നു.
