പോലീസിനെ ആര്‍ക്കും കെട്ടിയിട്ടടിക്കാനാകില്ല; ഫസല്‍ വധക്കേസിലെ കണ്ടെത്തല്‍ 12 വര്‍ഷത്തെ ഗവേഷണ ഫലം
പോലീസിനെ ആര്‍ക്കും കെട്ടിയിട്ട് അടിക്കാനാകില്ല. ഫസല്‍ വധക്കേസില്‍ പൊലീസ് നടത്തിയ പുതിയ കണ്ടെത്തലുകള്‍ ശരിയാണ്. 12 വര്‍ഷം നീണ്ട ഗവേഷണത്തിന്റെ ഫലമാണ് അത്. എല്ലാത്തിനും ശാസ്ത്രീയമായ തെളിവുകള്‍ ഉണ്ട്. കണ്ടെത്തലുകള്‍ ആര്‍ക്കും നിഷേധിക്കാനാകില്ലെന്നും കണ്ണൂര്‍ ഡി.വൈ.എസ്.പി. സദാനന്ദന്‍. സത്യം ഒരിക്കല്‍ തെളിയും, പ്രതികള്‍ക്ക് തൂക്കുകയര്‍ ലഭിക്കാവുന്ന കുറ്റമാണിത്. പോലീസ് അസോസിയേഷന്‍ ജില്ലാ സമ്മേളനത്തില്‍ സംസാരിക്കുകയായിരുന്നു അദ്ദേഹം.
ഫസല്‍ വധക്കേസുമായി ബന്ധപ്പെട്ട് ആര്‍.എസ്.എസ്. പ്രവര്‍ത്തകന്‍ സൂബീഷിന്റെ വെളിപ്പെടുത്തലുകള്‍ പുറത്ത് വന്നതിന് പിന്നാലെ ഡി.വൈ.എസ്.പിമാരായ സദാനന്ദനും, പ്രിന്‍സിനുമെതിരെ കെ. സുരേന്ദ്രന്‍ ഭീഷണിയുമായി രംഗത്തെത്തിയിരുന്നു. എടോ സദാനന്ദാ പ്രിന്‍സേ നീയൊക്കെ പാര്‍ട്ടിക്കാരന്‍മാരാണെങ്കില്‍ രാജി വെച്ചിട്ട് ആ പണിക്കു പോകണം. ഇമ്മാതിരി വൃത്തികേടു കാണിച്ചാല്‍ അത് മനസ്സിലാവാതിരിക്കാന്‍ ഞങ്ങള്‍ വെറും പോഴന്‍മാരൊന്നുമല്ല. സര്‍വീസ് കാലാവധി കഴിഞ്ഞാല്‍ നിങ്ങളും ഞങ്ങളുമൊക്കെ വെറും സാദാ പൗരന്മാര്‍ തന്നെ. മൈന്‍ഡ് ഇറ്റ് എന്നാണ് സുരേന്ദ്രന്‍ ഫെയ്‌സ്ബുക്കിലൂടെ പറഞ്ഞത്.
വീഡിയോ കാണാം
