ദിലീപ് പുറത്തേയ്ക്ക്; ശ്രാദ്ധത്തിന് പങ്കെടുക്കാന് അനുവദിച്ച് കോടതി
തന്റെ അച്ഛന്റെ ശ്രാദ്ധത്തിന് പങ്കെടുക്കാന് അനുവാദം നല്കണമെന്നാവശ്യപ്പെട്ട നടന് ദിലീപിന് അങ്കമാലി മജിസ്ട്രേറ്റ് കോടതിയുടെ അനുമതി. അച്ഛന്റെ ശ്രാദ്ധത്തിനു ബലിയിടാന് അനുവദിക്കണമെന്ന് ആവശ്യപ്പെട്ട് ദിലീപ് ഇന്ന് കോടതിയെ സമീപിച്ചിരുന്നു.
സെപ്റ്റംബര് ആറിനു രാവിലെ എഴു മുതല് 11 വരെ വീട്ടില് നടക്കുന്ന ചടങ്ങില് പങ്കെടുക്കാന് അനുവദിക്കണമെന്നായിരുന്നു അപേക്ഷയിലെ മുഖ്യ ആവശ്യം. എന്നാല് ദിലീപിനെ ജയിലില് നിന്ന് പുറത്തുവിടുന്നതില് എതിര്പ്പുമായി പ്രോസക്യൂഷന് രംഗത്തെത്തിയിരുന്നു.
കഴിഞ്ഞ വര്ഷവും ദിലീപ് അച്ഛന്റെ ശ്രാദ്ധത്തിന് പങ്കെടുക്കാന് എത്തിയിരുന്നില്ല. വൈകിയ വേളയില് ഇത്തരത്തിലുള്ള ആവശ്യവുമായി രംഗത്തെത്തിയതില് ദുരൂഹതമാത്രമാണുള്ളതെന്നും പ്രോസിക്യൂഷന് കോടതിയെ അറിയിച്ചിരുന്നു.
വരുന്ന ബുധനാഴ്ചയാണ് ദിലീപിന്റെ അച്ഛന് പത്മനാഭന് പിള്ളയുടെ ശ്രാദ്ധ ദിനം. അന്ന് രാവിലെ ഏഴ് മണിമുതല് 11 വരെ വീട്ടില് നടക്കുന്ന ചടങ്ങില് പങ്കെടുക്കാന് അനുവദിക്കണമെന്നായിരുന്നു ദിലീപിന്റെ അപേക്ഷയിലെ മുഖ്യ ആവശ്യം.
വീട്ടിലെ ചടങ്ങില് പങ്കെടുക്കാന് ദിലീപിനെ അനുവദിക്കരുതെന്നായിരുന്നു ആവശ്യം. അതിനിടെ ദിലീപിന്റെ റിമാന്ഡ് കാലാവധി ഈ മാസം 16 വരെ നീട്ടി.
