ജപ്പാനില്‍ സ​യ​നൈ​ഡി​നേ​ക്കാ​ൾ മാ​ര​ക വി​ഷം വ​ഹി​ക്കു​ന്ന മ​ത്സ്യം അറിയാതെ വില്‍പ്പന നടത്തി ‍; വാങ്ങിയവരെ അന്വേഷിച്ച് സര്‍ക്കാര്‍ നെട്ടോട്ടത്തില്‍

ടോ​ക്കി​യോ : സ​യ​നൈ​ഡി​നേ​ക്കാ​ൾ മാ​ര​ക വി​ഷം വ​ഹി​ക്കു​ന്ന മത്സ്യം വി​റ്റു​പോ​യ​തി​ന്‍റെ ആ​ശ​ങ്ക​യി​ലാ​ണ് ജ​പ്പാ​ൻ സര്‍ക്കാര്‍. ഫുഗു എന്ന മത്സ്യമാണ് ഇപ്പോള്‍ അവിടെയുള്ളവരുടെ ഉറക്കം കളഞ്ഞിരിക്കുന്നത്. മ​ധ്യ​ജ​പ്പാ​നി​ലെ ഗാ​മാ​ഗോ​റി ന​ഗ​ര​ത്തി​ലെ ഒ​രു സൂ​പ്പ​ർ​മാ​ർ​ക്ക​റ്റി​ൽ​നി​ന്ന് അ​ഞ്ച് പാ​യ്ക്ക​റ്റ് ഫു​ഗു മ​ത്സ്യ​മാ​ണ് വി​റ്റു​പോ​യ​ത്. മത്സ്യത്തിന്റെ കൊ​ടും​വി​ഷം ഉ​ൾ​ക്കൊ​ള്ളു​ന്ന ക​ര​ൾ നീ​ക്കം ചെ​യ്യാ​തെ​യാ​ണ് ഇവര്‍ മ​ത്സ്യം വി​റ്റ​ത്. എന്നാല്‍ ഏറെക്കഴിഞ്ഞാണ് സൂപ്പര്‍ മാര്‍ക്കറ്റ് അധികൃതര്‍ ഇക്കാര്യം അറിയുന്നത്. സം​ഭ​വം പു​റ​ത്താ​യ​തോ​ടെ ന​ട​ത്തി​യ അ​ന്വേ​ഷ​ണ​ത്തി​ൽ മൂ​ന്നു പാ​യ്ക്ക​റ്റു​ക​ൾ ക​ണ്ടെ​ടു​ത്തു. എ​ന്നാ​ൽ ഇ​പ്പോ​ഴും ര​ണ്ടു പാ​യ്ക്ക​റ്റു​ക​ൾ ക​ണ്ടെ​ത്താ​നാ​യി​ട്ടി​ല്ല. ഇ​താ​ണ് ആ​ശ​ങ്ക​യ്ക്കു ഇ​ട​യാ​ക്കി​യി​രി​ക്കു​ന്ന​ത്. സാ​ധാ​ര​ണ ശൈ​ത്യ​കാ​ല​ത്തി​ൽ ഉ​പ​യോ​ഗി​ക്കു​ന്ന വി​ല​കൂ​ടി​യ മ​ത്സ്യ​മാ​ണ് ഫു​ഗു. മാ​ര​ക വി​ഷം അ​ട​ങ്ങി​യ​താ​ണെ​ങ്കി​ലും മാം​സം അ​തീ​വ രു​ചി​ക​ര​മാ​ണെ​ന്ന​താ​ണ് ഈ ​മ​ത്സ്യ​ത്തെ പ്രി​യ​പ്പെ​ട്ട​താ​ക്കു​ന്ന​ത്. വി​ഷം നീ​ക്കം ചെ​യ്ത​തി​നു ശേ​ഷ​മാ​ണ് മീ​ൻ വി​ൽ​പ്പ​ന​യ്ക്കു ത​യാ​റാ​ക്കു​ന്ന​ത്.

സ​യ​നൈ​ഡി​നേ​ക്കാ​ൾ 1,200 മ​ട​ങ്ങ് മാ​ര​ക​മാ​ണ് ഫു​ഗു​വി​ന്‍റെ വി​ഷം എന്ന് പറയപ്പെടുന്നു. ഈ ​മീ​ൻ ഭ​ക്ഷ​ണ​ത്തി​നാ​യി ത​യാ​റാ​ക്കു​ന്ന​ത് അ​തീ​വ ശ്ര​ദ്ധ​യോ​ടെ​യാ​ണ്. ചെ​റി​യൊ​രു അ​ശ്ര​ദ്ധ​പോ​ലും മ​ര​ണ​കാ​ര​ണ​മാ​കും. മീ​നി​ന്‍റെ ക​ര​ളി​ലും മു​ട്ട​യി​ലും പു​റം​തൊ​ലി​യി​ലു​മാ​ണ് വി​ഷം അ​ട​ങ്ങി​യി​രി​ക്കു​ന്ന​ത്. ഓ​രോ​വ​ർ​ഷ​വും ജ​പ്പാ​നി​ൽ ഇ​ത്ത​ര​ത്തി​ൽ നി​ര​വ​ധി കേ​സു​ക​ളാ​ണ് റി​പ്പോ​ർ​ട്ട് ചെ​യ്യു​ന്ന​ത്. ഇ​തി​ന്‍റെ വി​ഷ​ത്തി​ന് ഇ​തു​വ​രെ മ​റു​മ​രു​ന്ന് ക​ണ്ടു​പി​ടി​ച്ചി​ട്ടി​ല്ല. ഈ ​മീ​നി​ന്‍റെ വി​ഷം മ​നു​ഷ്യ​ന്‍റെ നാ​ഡി​വ്യ​വ​സ്ഥ​യെ​യാ​ണ് ബാ​ധി​ക്കു​ന്ന​ത്. ആ​ദ്യം മു​ഖം മ​ര​വി​ക്കു​ക​യും പി​ന്നീ​ട് ശ​രീ​രം ത​ള​രു​ക​യും മ​ര​ണം സം​ഭ​വി​ക്കു​ക​യും ചെ​യ്യും. ഫു​ഗു ഉ​പ​യോ​ഗി​ക്കു​ന്ന​തി​ന് ലൈ​സ​ൻ​സും പ്ര​ത്യേ​ക പ​രി​ശീ​ല​വും ആ​വ​ശ്യ​മാ​ണ്. മൂ​ന്നു വ​ർ​ഷ​ത്തെ പ​രി​ശീ​ല​ന​മാ​ണ് നി​ഷ്ക​ർ​ഷി​ച്ചി​രി​ക്കു​ന്ന​ത്.