പിണറായി വേണമെങ്കില്‍ ഇങ്ങോട്ട് വന്നു കാണണം എന്ന് തോമസ് മാര്‍ അത്തനാസിയോസ്
മുഖ്യമന്ത്രി പിണറായി വിജയന്‍ വേണമെങ്കില്‍ ഇങ്ങോട്ട് വന്നു കാണണം എന്ന് ഓര്‍ത്തഡോക്‌സ് ഭദ്രാസനാധിപന്‍ തോമസ് മാര്‍ അത്തനാസിയോസ്. കൂടിക്കാഴ്ചയ്ക്കുള്ള മുഖ്യമന്ത്രി പിണറായി വിജയന്റെ ക്ഷണം നിരസിച്ചുകൊണ്ടാണ് അദ്ദേഹം ഇങ്ങനെ വ്യക്തമാക്കിയത്. അങ്ങോട്ടു ചെന്ന് ആരെയും കാണാനാകില്ല. കാണണം എന്നുള്ളവര്‍ക്ക് ഇങ്ങോട്ടുവരാം. അങ്ങോട്ട് ആരെയും ചെന്നു കാണുന്ന പതിവില്ലെന്നും അദ്ദേഹം പറഞ്ഞു.
ചെങ്ങന്നൂരില്‍ മുഖ്യമന്ത്രി താമസിക്കുന്ന ഹോട്ടലിലേക്ക് വരാനായിരുന്നു ക്ഷണം. എന്നാല്‍ അങ്ങോട്ടുപോയി കാണാനാകില്ലെന്ന നിലപാടാണ് തോമസ് മാര്‍ അത്തനാസിയോസ് സ്വീകരിച്ചത്. ചെങ്ങന്നൂരില്‍ വോട്ടുറപ്പിക്കുന്ന നീക്കത്തിന്റെ ഭാഗമായാണ് മുഖ്യമന്ത്രി ഓര്‍ത്തഡോക്‌സ് ഭദ്രാസനാധിപനെ കൂടിക്കാഴ്ചയ്ക്ക് ക്ഷണിച്ചത്.
