ദിലീപിനും കാവ്യക്കും ആശംസ അറിയിച്ചതിന് മാധ്യമ പ്രവര്ത്തകയ്ക്ക് നേരെ തമിഴ് നടിമാരുടെ ട്വിറ്റര് ആക്രമണം
ദിലീപിനും കാവ്യ മാധ്യവനും കുഞ്ഞ് പിറന്നതിന് ആശംസകള് നേര്ന്ന മാധ്യമപ്രവര്ത്തകയെ കടുത്ത ഭാഷയില് വിമര്ശിച്ച് തമിഴ് നടിമാര്. തമിഴ് സിനിമാ മാധ്യമ പ്രവര്ത്തകയുടെ ട്വീറ്റിന് താഴെയാണ് നടിമാരായ ലക്ഷ്മി മച്ചു, റായ് ലക്ഷ്മി, തപ്സി പന്നു, ശ്രീയ ശരണ്, രാകുല് പ്രീത് എന്നിവര് രൂക്ഷമായ ഭാഷയില് പ്രതികരിച്ചത്.
ഒരു നടിയെ തട്ടിക്കൊണ്ടുപോയി മാനഭംഗപ്പെടുത്താന് ശ്രമിച്ചതിന്റെ ക്രിമിനല് റെക്കോര്ഡുള്ള വ്യക്തിയുടെ ചിത്രമാണ് ഇവര് പോസ്റ്റ് ചെയ്തത്. അത് എനിക്ക് ഇപ്പോഴും വിശ്വസിക്കാനാകുന്നില്ല. മലയാളം സിനിമയിലെ സ്ത്രീകള് ഇയാള്ക്കൊപ്പം അഭിനയിക്കാന് പോലും സമ്മതിക്കുന്നില്ല. ഈ സാഹചര്യത്തിലാണ് ഇതുപോലെരു ഇതുപോലെരു ട്വീറ്റ്. അതൊരു വലിയ നാണക്കേട് തന്നെയാണ്-ലക്ഷ്മി മാന്ചു തന്റെ ട്വിറ്ററില് കുറിച്ചു.
അതേസമയം “കുഞ്ഞ് ജനിച്ചതിലുള്ള എന്റെ സന്തോഷം നിങ്ങളുടെ സുഹൃത്തിനെ അറിയിക്കൂ. താന് ചെയ്തതു പോലെ ഇനി ഒരു പുരുഷനും മറ്റൊരു സ്ത്രീയോട് ചെയ്യാന് അനുവദിക്കില്ല എന്ന് തന്റെ മകളോട് അയാള് സത്യം ചെയ്യണം എന്നാണ് -തപ്സി ട്വിറ്റ് ചെയ്തത്.
മാധ്യമങ്ങള് ഒരിക്കലും ഇത്തരം ആളുകളെ പുകഴ്ത്തരുത്. നിങ്ങള് ഒരു നിലപാടെടുത്തില്ലെങ്കില് പിന്നെ ആരാണ് എടുക്കുക?- രാകുല് പ്രീത് പ്രതികരിക്കുന്നു.
തുടര്ന്ന് ലക്ഷ്മിയെയും തപ്സിയെയും പിന്തുണച്ച് നടി റായിയും ലക്ഷ്മി രംഗത്തെത്തി. ‘ഒരിക്കലും സ്വീകാര്യമല്ലാത്ത കാര്യമാണിത്. ഈ ട്വീറ്റ് അവരുടെ യഥാര്ഥ സ്വഭാവം എന്താണെന്ന് വ്യക്തമാക്കുകയാണ് ചെയ്തിരിക്കുന്നത്. ലക്ഷ്മി പറഞ്ഞതിനെ ഞാനും പൂര്ണമായും പിന്തുണയ്ക്കുന്നു.’
ഇയാളൊരു നടിയെ തട്ടിക്കൊണ്ടുപോയി മാനഭംഗപ്പെടുത്താന് ശ്രമിച്ച വ്യക്തിയാണ്. ഒരു സ്ത്രീ ആയിട്ടു കൂടി നിങ്ങള് ഇയാളെ അഭിനന്ദിക്കുന്നു. എനിക്ക് നിങ്ങളോട് ബഹുമാനം ഉണ്ടായിരുന്നു. എന്നാല് ഇപ്പോള് ഇത് വിശ്വസിക്കാന് കഴിയുന്നില്ല’- ശ്രീയ ശരണ് കുറിച്ചു.
