രാജ്യത്ത് കോവിഡ് വ്യാപന തീവ്രത കുറയുന്നു

പ്രതിദിന കോവിഡ് ബാധിതരുടെ വര്‍ദ്ധനവില്‍ ഗണ്യമായ കുറവ് രേഖപ്പെടുത്തി ഇന്ത്യ. രാജ്യത്ത് കഴിഞ്ഞ 24 മണിക്കൂറിനുള്ളില്‍ 45,149 പേര്‍ ക്കാണ് പുതുതായി രോഗം സ്ഥിരീകരിച്ചത്. ഇതോടെ, രാജ്യത്തെ ആകെ കോവിഡ് ബാധിതരുടെ എണ്ണം 79,09,960ആയി. 1,19,014പേര്‍ക്ക് ജീവഹാനി സംഭവിച്ചു. കൂടാതെ, 480 മരണവും റിപ്പോര്‍ട്ട് ചെയ്യപ്പെട്ടു. 6,53,717പേരാണ് നിലവില്‍ ചികിത്സയിലുള്ളത്. 71,37,229പേര്‍ രോഗമുക്തരായി. 59,105പേരാണ് കഴിഞ്ഞ 24 മണിക്കൂറിനുള്ളില്‍ രോഗമുക്തരായത്. 9,39,309 സാമ്പിളുകളാണ് കഴിഞ്ഞ ദിവസം പരിശോധിച്ചത്. 10,24,62,778 സാമ്പിളുകളാണ് ആകെ പരിശോധിച്ചത്.

അതുപോലെ കോവിഡ് വ്യാപനം അതിരൂക്ഷമായി തുടര്‍ന്നുവന്ന മഹാരാഷ്ട്ര, കര്‍ണാടക എന്നീ സംസ്ഥാനങ്ങളില്‍ രോഗവ്യാപനത്തിന്റെ തോത് ഗണ്യമായി കുറഞ്ഞത് ഏറെ പ്രതീക്ഷ നല്‍കുന്ന വാര്‍ത്തയാണ്. മുന്‍പ്, പ്രതിദിന കോവിഡ് രോഗികളുടെ എണ്ണം ഒരു ലക്ഷത്തിനരികെ വരെ എത്തിയ സാഹചര്യമുണ്ടായിരുന്നു . എന്നാല്‍ കഴിഞ്ഞ കുറച്ച് ദിവസങ്ങളായി പ്രതിദിന കോവിഡ് കേസുകളുടെ എണ്ണം അരലക്ഷത്തിനരികെയാണ്. ഇത് രാജ്യത്തിന് നല്‍കുന്നത് വലിയ ആശ്വാസമാണ്. കൂടാതെ, 90% കടന്നാണ് രാജ്യത്തെ രോഗമുക്തി നിരക്ക്.