യുവതിയെ കൂട്ടബലാല്‍സംഗം ചെയ്ത ശേഷം വീഡിയോ ഫേസ്ബുക്കിലൂടെ ലൈവ് ആയി ലോകത്തിനെ കാണിച്ചു
സ്റ്റോക്ഹോം : സ്വീഡനിലാണ് ലോക മനസാക്ഷിയെ ഞെട്ടിക്കുന്ന ലൈംഗിക പീഡനം അരങ്ങേറിയത്. യുവതിയെ കൂട്ടബലാല്‍സംഗത്തിന് ഇരയാക്കിയ സംഘം അതിന്റെ വീഡിയോ തല്‍സമയം ഫേസ്ബുക്കിലൂടെ ലോകത്തെ മുഴുവന്‍ കാണിക്കുകയായിരുന്നു. ഞായറാഴ്ച തലസ്ഥാന നഗരിയായ സ്റ്റോക്ഹോമിൽനിന്നും 70 കിലോമീറ്റർ അകലെ ഉപ്സല അപ്പാർട്മെൻറിലായിരുന്നു സംഭവം.മൂന്നു മണിക്കൂറോളം സമയമാണ് യുവതി പീഡിപ്പിക്കപ്പെട്ടതെന്നു പോലിസ് അറിയിച്ചു. പോലിസ് അപ്പാര്‍ട്ട്‌മെന്റിലെത്തുമ്പോള്‍ യുവതി അബോധാ വസ്ഥയിലായിരുന്നു. ഫേസ്ബുക്കിലെ ഒരു ഗ്രൂപ്പിലൂടെയാണ് സംഘം വീഡിയോ ലൈവ് വിട്ടത്. ഫേസ്ബുക് ഗ്രൂപ്പിലെ അംഗങ്ങൾ വിഡിയോ കണ്ട ഉടൻ പൊലീസിൽ വിവരമറിയിക്കുകയായിരുന്നു. 60,000 അംഗങ്ങളുള്ള ക്ലോസ്ഡ് ഗ്രൂപ്പാണിത്. സംഭവത്തിെൻറ ദൃശ്യങ്ങൾ ആരുടെയെങ്കിലും കൈവശമുണ്ടെങ്കിൽ പൊലീസിന് കൈമാറാൻ അന്വേഷണ ഉദ്യോഗസ്ഥർ ആവശ്യപ്പെട്ടിട്ടുണ്ട്. സംഭവത്തിലുൾപ്പെട്ട പ്രതികളിലൊരാൾ തോക്കുമായി നിൽക്കുന്നതും ദൃശ്യത്തിലുണ്ട്.വിഡിയോ ഡിലീറ്റ് ചെയ്തെങ്കിലും വ്യാപകമായി ഷെയർ ചെയ്യപ്പെെട്ടന്നാണ് പൊലീസ് പറയുന്നത്. വിഡിയോ റിപ്പോർട്ട് ചെയ്യപ്പെട്ടതിനെ തുടർന്ന് ഉടൻ നീക്കം ചെയ്തതായും അന്വേഷണ ഉദ്യോഗസ്ഥരോട് സഹകരിക്കുമെന്നും ഫേസ്ബുക് അധികൃതർ വ്യക്തമാക്കിയിട്ടുണ്ട്. സംഭവത്തില്‍ മൂന്ന് യുവാക്കളെ പോലീസ് അറസ്റ്റ്ചെയ്തു.