കാശ്മീരില്‍ വീണ്ടും കനത്ത മഞ്ഞിടിച്ചില്‍ പത്തുസൈനികര്‍ കൊല്ലപ്പെട്ടു
ശ്രീനഗർ : കശ്മീരിലെ സൈനിക ക്യാമ്പില്‍ മഞ്ഞുമലയിടിഞ്ഞ് മരിച്ച സൈനികരുടെ എണ്ണം പത്തായി. മഞ്ഞിനടിയിൽ പെട്ട സൈനികരെ കണ്ടെത്താനുള്ള ശ്രമം തുടരുകയാണ്. കശ്മീരിലെ ഗുരെസ് സെക്ടറില്‍ കഴിഞ്ഞ ദിവസം രാത്രിയാണ് അപകടം. േമാശം കാലാവസ്ഥയും കനത്ത മഞ്ഞു വീഴ്ചയും മൂലം രക്ഷാ പ്രവർത്തനം ദുഷ്കരമായിരിക്കുകയാണ്. ഗുർസെ മേഖലയലിലെ സൈനിക ക്യാമ്പുണ്ടായിരുന്ന സ്ഥലത്തു നിന്ന് ആറ് മൃതദേഹങ്ങൾ ലഭിച്ചിട്ടുണ്ട്. മൂന്നു സൈനികരുടെ മൃതദേഹം ഇന്നു രാവിലെയാണ് കണ്ടെത്തിയത്. .കൂടാതെ നിക ക്യാമ്പിലേക്ക് പോവുകയായിരുന്ന വാഹനം മഞ്ഞിടിച്ചിലിൽ കാണാതായിട്ടുണ്ട്. ഇന്നലെ സൊണമാർഗിലുണ്ടായ മഞ്ഞിടിച്ചിലിൽ ഒരു മേജർ മരിച്ചിരുന്നു. രക്ഷാപ്രവർത്തകർ ഏഴുപേരെ ജീവനോടെ കണ്ടെത്തിയിട്ടുണ്ട്. എത്രപേരെ കാണാതായി എന്നതിനെ കുറിച്ച് സേന കൃത്യമായ വിവരം നൽകിയിട്ടില്ല. ഇന്നലെയുണ്ടായ കനത്ത മഞ്ഞു വീഴ്ചയിൽ ഒരു കുടുംബത്തിലെ നാലു പേരും മരിച്ചിട്ടുണ്ട്.
