ഗണേഷ് കുമാര്‍ ദിലീപിനെ സന്ദര്‍ശിച്ചത് ചട്ടങ്ങള്‍ പാലിച്ച്; സന്ദര്‍ശനത്തില്‍ അസ്വാഭാവീകതയില്ലെന്ന് ജയില്‍ സൂപ്രണ്ട്
കൊച്ചി: നടി ആക്രമിക്കപ്പെട്ട കേസില്‍ ജയിലില്‍ കഴിയുന്ന നടന്‍ ദിലീപിനെ നടനും എം.എല്‍.എയുമായ കെ.ബി. ഗണേഷ് കുമാര്‍ സന്ദര്‍ശിച്ചതില്‍ അസ്വാഭാവികമായി ഒന്നുമില്ലെന്ന് ജയില്‍ സൂപ്രണ്ട്. ജയില്‍ ചട്ടങ്ങള്‍ പാലിച്ചാണ് ദിലീപിനെ ഗണേഷ് കുമാര്‍ കണ്ടതെന്നും തന്റെ സാന്നിധ്യത്തിലാണ് ഗണേഷ് കുമാര്‍ ദിലീപുമായി കൂടിക്കാഴ്ച നടത്തിയതെന്നും ജയില്‍ സൂപ്രണ്ടിന്റെ റിപ്പോര്‍ട്ടില്‍ പറയുന്നു.
കോടതിയില്‍ സമര്‍പ്പിച്ച റിപ്പോര്‍ട്ടിലാണ് സൂപ്രണ്ട് ഇക്കാര്യം ചൂണ്ടിക്കാട്ടിയിരിക്കുന്നത്.അരമണിക്കൂര്‍ നീണ്ടുനിന്ന കൂടിക്കാഴ്ചയില്‍ കേസിനെ കുറിച്ച് സംസാരിച്ചിട്ടില്ല. ദിലീപിനെ സന്ദര്‍ശിച്ചതിനു ശേഷം ഗണേഷ് കുമാര്‍ പുറത്ത് സംസാരിച്ചത് എന്തെന്ന് അറിയില്‌ള. പ്രതികള്‍ ആരും ദിലീപിനെ കണ്ടിട്ടില്ലെന്നും റിപ്പോര്‍ട്ടില്‍ പറയുന്നു. സെപ്റ്റംബര്‍ രണ്ടു മുതല്‍ അഞ്ച് വരെ ദിലീപിനെ സന്ദര്‍ശിച്ചവരുടെ പട്ടികയും സൂപ്രണ്ട് കോടതിക്ക് കൈമാറി.
ഗണേഷ് കുമാര്‍ ദിലീപിനെ ജയിലില്‍ സന്ദര്‍ശിച്ച ശേഷം നടത്തിയ പ്രസ്താവനകള്‍ വലിയ വിവാദങ്ങല്‍ സൃഷ്ടിച്ചിരുന്നു. ഇതേതുടര്‍ന്നു സിനിമക്കാരുടെ കൂട്ടത്തോടെയുള്ള സന്ദര്‍ശനത്തില്‍ അധികൃതര്‍ നിയന്ത്രണം ഏര്‍പ്പെടുത്തിയത്.