ഉത്തരകൊറിയയില്‍ ഭൂകമ്പം; ആണവ പരീക്ഷണ ഫലമായുണ്ടായതെന്ന് ചൈന
പ്യോംഗ്യാങ് : ഉത്തരകൊറിയയില്‍ ഭൂചലനം. ഉത്തരകൊറിയയിലെ നോര്‍ത്ത് ഹാംയോങ് പ്രവിശ്യയിലാണ് ഭൂചലനം അനുഭവപ്പെട്ടത്. റിക്ടര്‍ സ്‌കെയിലില്‍ 3.4 രേഖപ്പെടുത്തിയ ഭൂചലനത്തില്‍ ഏതെങ്കിലും തരത്തിലുള്ള നാശ നഷ്ട്ടങ്ങളുണ്ടായതായി റിപ്പോര്‍ട്ടില്ല.ഔദ്യോഗിക വെബ്‌സൈറ്റിലൂടെയാണ് ഉത്തരകൊറിയന്‍ ഭരണകൂടം ഭൂചലന വാര്‍ത്ത പുറത്തുവിട്ടത്.ഉത്തരകൊറിയയുടെ പംഗ്യേരി ആണവ നിലയം സ്ഥിതി ചെയ്യുന്നതും ഇവിടെയാണ്.
അതേസമയം ഉത്തരകൊറിയ പുതിയ ആണവപരീക്ഷണം നടത്തിയതിന്റെ ഫലമാണോ ഭൂചലനമെന്നാണ് ചൈന സംശയിക്കുന്നത്. സെപ്തംബര്‍ മൂന്നിന് ഉത്തരകൊറിയ ആണവ പരീക്ഷണം നടത്തിയതിനെ തുടര്‍ന്ന് നേരിയ ഭൂചലനം അനുഭവപ്പെട്ടിരുന്നു. ആ മേഖലയില്‍ തന്നെയാണ് ഇത്തവണയും ഭൂകമ്പമുണ്ടായതെന്ന് ചൈനീസ് ഔദ്യോഗിക മാധ്യമമായ സിന്‍ഹുവ റിപ്പോര്‍ട്ട് ചെയ്തു.
എന്നാല്‍ ആണവ പരീക്ഷണം നടത്തിയത്തിന്റെ ഭ ഫലമായിട്ടല്ല ഭൂകമ്പമുണ്ടായതെന്നാണ് പ്രാഥമീക നിരീക്ഷണത്തില്‍ നിന്നും വ്യക്തമാകുന്നതെന്ന് ദക്ഷിണകൊറിയന്‍ കാലാവസ്ഥാ ഏജന്‍സി വ്യക്തമാക്കിയിട്ടുണ്ട്.
