തിരുവനന്തപുരത്ത് എസ്‌ഐ ക്വാര്‍ട്ടേഴ്‌സില്‍ തൂങ്ങിമരിച്ച നിലയില്‍
കേരളാ പോലീസില്‍ വീണ്ടും ആത്മഹത്യ. തിരുവനന്തപുരം പാളയം പൊലീസ് ക്വാര്‍ട്ടേഴ്‌സില്‍ ഗ്രേഡ് എസ്‌ഐയെ തൂങ്ങി മരിച്ച നിലയില്‍ കണ്ടെത്തി. സിറ്റി എആര്‍ ക്യാമ്പിലെ ബാന്‍ഡ് വിഭാഗത്തിലെ ക്രിസ്റ്റഫര്‍ ജോയി(55)യെയാണ് മരിച്ച നിലയില്‍ കണ്ടെത്തിയത്. ശനിയാഴ്ച്ച വൈകുന്നേരമാണ് പാളയത്തെ ഒ വിഭാഗം ക്വാര്‍ട്ടേഴ്സ് മുറിയില്‍ എസ്‌ഐയെ മരിച്ച നിലയില്‍ കണ്ടെത്തിയത്. കഴിഞ്ഞ രണ്ട് മാസത്തിനിടെ ആത്മഹത്യ ചെയ്ത നിലയില്‍ കാണപ്പെടുന്ന മൂന്നാമത്തെ പോലീസുകാരനാണ് ഇദ്ദേഹം. വിവരമറിഞ്ഞതിനെത്തുടര്‍ന്ന് പോലീസ് സംഘം പാളയത്തെ ക്വാര്‍ട്ടേഴ്സിലെത്തിയിട്ടുണ്ട്.
അല്‍പ സമയത്തിനകം മൃതദേഹം ആശുപത്രിയിലേക്ക് മാറ്റും. അടുത്തിടെ എറണാംകുളം നോര്‍ത്ത് സ്റ്റേഷനിലെ എസ്.ഐ. ടി. ഗോപകുമാറിനെ ആത്മഹത്യ ചെയ്ത നിലയില്‍ കണ്ടെത്തിയിരുന്നു. ഔദ്യോഗിക ജീവിതത്തിലെ സമര്‍ദ്ദം താങ്ങാന്‍ കഴിയുന്നില്ലെന്ന പേരില്‍ ആത്മഹത്യാ കുറിപ്പ് എഴുതി വെച്ച ശേഷമാണ് എസ്.ഐ ആത്മഹത്യ ചെയ്തത്.
