വേള്ഡ് മലയാളി കൗണ്സിലിന് ഇറ്റലിയില് പുതിയ പ്രൊവിന്സ്
റോം: മലയാളികളുടെയും കേരളീയരുടെയും അന്താരാഷ്ട്ര സാഹോദര്യത്തിനായി പ്രവര്ത്തിക്കുന്ന വേള്ഡ് മലയാളി കൗണ്സിലിന് ഇറ്റലിയില് പുതിയ പ്രൊവിന്സ് രൂപികരിച്ചു. സംഘടനയുടെ ഗ്ലോബല് ചെയര്മാന് ഡോ. ഐസക് ജോണ് പട്ടാണിപ്പറമ്പില് ആണ് റോമിലെ പുതിയ ടീമിനെ പ്രഖ്യാപിച്ചത്.
കഴിഞ്ഞ വര്ഷം സംഘടന താത്കാലികമായി തുടങ്ങിയെങ്കിലും ഈ വര്ഷം മുതല് ലോകത്തിലെ മറ്റു വേള്ഡ് മലയാളി കൗണ്സിലുകളുമായി സഹകരിച്ചു ഇറ്റലിയിലെ മറ്റു സംസ്ഥാനങ്ങളിലും കൂടുതല് ചാറ്പ്റ്ററുകള് ആരംഭിച്ചു പ്രവര്ത്തനം വ്യാപിപ്പിക്കും.
സംഘടനയുടെ മറ്റു ഗ്ലോബല് നേതാക്കളായ ബേബി മാത്യു സോമതീരം, മൂസ കോയ, ജോണി കുരുവിള, ഡോ. നടയ്ക്കല് ശശി, ചാള്സ് പോള്, മത്തായി സി. യു., തോമസ് ചെല്ലത്ത് തുടങ്ങിയവര് റോമിലെ പുതിയ ഭാരവാഹികളെ വേള്ഡ് മലയാളി കൗണ്സിലിന്റെ ഗ്ലോബല് കുടുംബത്തിലേക്ക് സ്വാഗതം ചെയ്തു.
ജെജി മാത്യു (ചെയര്മാന്), ജോബി ആണ്ടുകുന്നേല് (പ്രസിഡന്റ്), ഷിജി ജോസഫ് (ജനറല് സെക്രട്ടറി), ഫിലിപ്പ് കുര്യാക്കോസ് (ട്രഷറര്) എന്നിവര് മുഖ്യ ഭാരവാഹികളായി തിരഞ്ഞെടുത്തു. വൈസ് ചെയര്മാനായി ജോമോന്
പത്തില്ചിറ, വൈസ് പ്രസിഡന്റായി ലിബിന് ചുങ്കത്ത്, ജോയിന്റ് സെക്രട്ടറിയായി മോബിന് വര്ഗീസും നിയമിതനായി.
രാജീവ് വേങ്ങാട്ട്, ബെന്നി ജോസഫ്, സനില് മണവാളന്, ജിനോ സി ജോസഫ്, ബിനു പനച്ചവിള, ഡീവിന് ഡേവി എന്നിവര് എക്സിക്യൂട്ടീവ് കമ്മിറ്റി അംഗങ്ങളായി ചുമതലയേറ്റു. വനിതകള്ക്ക് വേണ്ടിയുള്ള മറ്റൊരു കൗണ്സിലും രൂപീകരിച്ചിച്ചുകൊണ്ടിരിക്കുകയാണെന്നും ഫെബ്രുവരിയില് ആദ്യ സമ്മേളനം റോമില് നടക്കുമെന്നും ഭാരവാഹികള് അറിയിച്ചു.
