പശുക്കളെ കടത്തിയ യുവാവിനെ സൈന്യം വെടിവെച്ചുകൊന്നു
ത്രിപുര : പശുക്കളെ അതിര്‍ത്തി വഴി കടത്തി എന്നാരോപിച്ച് യുവാവിനെ അതിര്‍ത്തി സേന വെടിവെച്ച് കൊന്നു. കഴിഞ്ഞ ദിവസം രാത്രി ത്രിപുരയിലെ ബംഗ്ലാദേശ് അതിർത്തി ഗ്രാമത്തിലാണ് സംഭവം. അരാബർ റഹ്മാൻ എന്ന യുവാവിനെയാണ് സൈന്യം കൊലപ്പെടുത്തിയത്. സൈന്യം രാത്രി പെട്രോളിംഗ് നടത്തുന്ന സമയമാണ് യുവാവിനെ വെടിവെച്ചു കൊന്നത്. പെട്രോളിങ്ങിനിടെ അനധികൃതമായി കന്നുകാലികളെ കടത്തിയ ആൾക്കുനേരെ വെടിയുതിർത്തത് ബി.എസ്.എഫ് തങ്ങളെ അറിയിച്ചതായി ത്രിപുര പോലീസ് പറയുന്നു. അതേസമയം സൈനികരുടെ ആരോപണങ്ങൾ തള്ളി കൊല്ലപ്പെട്ടയാളുടെ കുടുംബം രംഗത്തെത്തിയിട്ടുണ്ട്. യുവാവ് നിരപരാധിയാണെന്നാണ് ബന്ധുക്കൾ പറയുന്നത്. സൈനികർക്കെതിരെ യുവാവിന്റെ കുടുംബം പൊലീസില്‍ പരാതി നൽകിയിട്ടുണ്ട്. സംഭവത്തിനെതിരെ ജനങ്ങള്‍ക്കിടയില്‍ അമര്‍ഷം പുകയുന്നുണ്ട്.