കെപിഎസി ലളിത അരങ്ങൊഴിഞ്ഞു
മലയാള സിനിമയിലെ ഒരു കാലഘട്ടം കൂടി വിടവാങ്ങി. നടി കെപിഎസി ലളിത അന്തരിച്ചു. 74 വയസായിരുന്നു. കൊച്ചിയിലെ വസതിയില് വച്ചായിരുന്നു അന്ത്യം. മഹേശ്വരിയമ്മ എന്നായിരുന്നു ശരിയായ പേര്. കെപിഎസിയുടെ നാടകങ്ങളിലൂടെ കലാരംഗത്ത് സജീവമായി. ഇതോടെയാണ് കെപിഎസി ലളിത എന്ന പേര് വന്നത്. തോപ്പില് ഭാസിയുടെ കൂട്ടുകുടുംബം എന്ന ചിത്രത്തിലൂടെയാണ് സിനിമാ രംഗത്ത് എത്തിയത്. 1978ലാണ് അവര് ചലച്ചിത്ര സംവിധായകന് ഭരതനെ വിവാഹം ചെയ്തത്.
രണ്ട് തവണ മികച്ച സഹനടിക്കുള്ള ദേശീയ പുരസ്കാരം അടക്കം നിരവധി അംഗീകാരങ്ങള് നേടിയിട്ടുണ്ട്. 1970 മുതലാണ് നാടക രംഗത്ത് സജീവമായത്. ഈയടുത്ത് വരെ ടെലിവിഷന് സീരിയലുകളില് അഭിനയിച്ചിരുന്നു. കുറച്ചു കാലം മുന്പ് കെപിഎസി ലളിതയെ ആശുപത്രിയില് പ്രവേശിപ്പിച്ചിരുന്നു. തുടര്ന്ന് അവരുടെ ചികിത്സാ ചെലവുകളൊക്കെ സര്ക്കാര് ഏറ്റെടുത്തിരുന്നു. അസുഖ ബാധിത ആകുന്നതിനു മുന്പ് വരെ സിനിമകളില് സജീവമായിരുന്നു.