ഗൗരി ലങ്കേഷിന്റെ ഘാതകരെക്കുറിച്ച് സൂചനകള് ലഭിച്ചതായി കര്ണ്ണാടക ആഭ്യന്തര മന്ത്രി, തെളിവുകള് ഇപ്പോള് പുറത്തു വിടാനാകില്ല
മുതിര്ന്ന മാധ്യമ പ്രവര്ത്തക ഗൗരി ലങ്കേഷിന്റെ കൊലപാതകിയെ കുറിച്ച് സൂചനകള് ലഭിച്ചെന്ന് കര്ണാടക ആഭ്യന്തര മന്ത്രി രാമലിംഗ റെഡ്ഡി. ലഭിച്ചിരിക്കുന്ന വിവരങ്ങളോ, പ്രതിയെ കുറിച്ചുള്ള സൂചനയോ ഇപ്പോള് പുറത്ത് വിടാനാകില്ല. നിലവിലെ അന്വേഷണത്തില് തൃപ്തിയുണ്ടെന്നും അദ്ദേഹം പറഞ്ഞു.
ഗൗരി ലങ്കേഷ് വധം അന്വേഷിക്കുന്ന പ്രത്യേക അന്വേഷണ സംഘത്തെ നേരത്തെ വിപുലീകരിച്ചിരുന്നു. രണ്ട് ഇന്സ്പെക്ടര്മാരടക്കം 44 പേരെയാണ് അന്വേഷണ സംഘത്തില് ഉള്പ്പെടുത്തിയിരിക്കുന്നത്. ഇതോടെ അന്വേഷണ സംഘത്തിലെ അംഗങ്ങളുടെ എണ്ണം 65ആയി. നേരത്തെ അന്വേഷണം സി.ബി.ഐക്ക് വിടണമെന്ന് വിശ്വ ഹിന്ദു പരിഷത്ത് ആവശ്യപ്പെട്ടിരുന്നു.
ഇതിന് പിന്നാലെയാണ് അന്വേഷസംഘത്തെ വിപുലീകരിച്ചത്. സംഘപരിവാര് ഭീഷണിയുള്ള സാമൂഹിക രാഷ്ട്രീയ പ്രവര്ത്തകര്ക്കുള്ള സുരക്ഷ സര്ധിപ്പിക്കാനും കര്ണാടക സര്ക്കാര് തീരുമാനിച്ചിട്ടുണ്ട്.
