കളിക്കുന്നതിനിടെ ഊഞ്ഞാല്‍ കഴുത്തില്‍ കുടുങ്ങി ഒമ്പതു വയസ്സുകാരന് ദാരുണാന്ത്യം
കളിക്കുന്നതിനിടെ സാരി കഴുത്തില്‍ കുടുങ്ങി ഒമ്പതു വയസുകാരന്‍ മരിച്ചു. തൃശൂരിലെ ഈസ്റ്റ് പാമ്പാടി വെട്ടത്ത് കമറുദ്ദീന്റെ മകന്‍ സല്‍മാന്‍ ഫാറൂക്കാണ് മരിച്ചത്. സാരി കൊണ്ട് കെട്ടിയ ഊഞ്ഞാലില്‍ കളിക്കുന്നതിനിടെ അബദ്ധത്തില്‍ സാരി കുട്ടിയുടെ കഴുത്തില്‍ കുടുങ്ങുകയായിരുന്നു. ചൊവ്വാഴ്ചയോടെയാണ് സംഭവം നടന്നത്. കുട്ടിയെ ഉടന്‍ തന്നെ തിരുവില്വാമല സാമൂഹ്യ ആരോഗ്യ കേന്ദ്രത്തില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കൊണ്ടാഴി ഗവണ്‍മെന്റ് എ.എല്‍.പി. സ്‌കൂളിലെ നാലാം ക്ലാസ് വിദ്യാര്‍ഥിയാണ് കുട്ടി.
