വിയന്ന ക്നാനായ കത്തോലിക്ക ദേവാലയത്തില് പരിശുദ്ധ കന്യാമറിയത്തിന്റെ പ്രഥമ തിരുന്നാള് ആഘോഷം
വിയന്ന: ഓസ്ട്രിയയില് ആദ്യമായി അനുവദിച്ച ക്നാനായ കത്തോലിക്കാ സമൂഹത്തിനു അനുവദിച്ച സ്റ്റഡ്ലൗ സെന്റ് മേരീസ് ക്നാനായ കത്തോലിക്കാ പള്ളിയില് പരിശുദ്ധ കന്യകമറിയത്തിന്റെ ജനനതിരുന്നാള് സെപ്റ്റംബര് 13 ഞായറാഴ്ച്ച ആഘോഷപൂര്വ്വം കൊണ്ടാടും. ഉച്ചകഴിഞ്ഞു 3.30ന് ചാപ്ലയിന് ഫാ. ജിജോ എലവുങ്കചാലില് കൊടിയേറ്റുന്നതിലൂടെ തിരുന്നാളിന് തുടക്കമാകും.
ആഘോഷമായ തിരുന്നാള്കുര്ബ്ബാന സെന്റ് തോമസ് സിറോ മലബാര് കമ്മ്യൂണിറ്റിയുടെ വികാരി ഫാ. ഡോ. തോമസ് താണ്ടപ്പള്ളിയുടെ മുഖ്യകാര്മ്മികത്വത്തില് നടക്കും. നിരവധി വൈദികര് സഹകാര്മ്മികരാകും. വിയന്നയിലെ മലങ്കര കത്തോലിക്കാ ഇടവകയുടെ വികാരി ഫാ. ഷൈജു മേപ്പുറത്ത് തിരുനാള് സന്ദേശം നല്കും. സെന്റ് ജോസഫ് സീറോ മലബാര് കമ്മ്യൂണിറ്റിയുടെ ചാപ്ലെയിന് ഫാ. തോമസ് കൊച്ചുചിറ പരിശുദ്ധ കുര്ബാനയുടെ ആശീര്വാദം നിര്വ്വഹിക്കും. സേക്രഡ് ഹാര്ട്ട് സീറോ മലബാര് കമ്മ്യൂണിറ്റിയുടെ ചാപ്ലെയിന് ഫാ. ഡിന്റോ പ്ലാക്കല് പ്രസുദേന്തി വാഴ്ച്ച നടത്തും.
പ്രസുദേന്തി വാഴ്ച്ച, രൂപം വെഞ്ചരിക്കല്, പ്രദിക്ഷിണം, നെവേന, ഏലക്കാമാല ലേലം, സ്നേഹവിരുന്ന് തിരുനാളിന്റെ ഭാഗമായിരിക്കും. കഴുന്ന് എടുക്കാനുള്ള സൗകര്യം ഏര്പ്പെടുത്തിട്ടുണ്ട്. ജനറല് കണ്വീനര് ജോര്ജ് വടക്കുംചേരിയുടെ നേതൃത്വത്തില് ഒരുക്കങ്ങള് പൂര്ത്തിയായിവരുന്നു.
സെന്റ് മേരീസ് ദേവാലയാളത്തിന്റെ പ്രഥമ തിരുന്നാളില് പങ്കെടുക്കാന് ഏവരെയും പള്ളി കമ്മിറ്റി ക്ഷണിച്ചു.
