ഇത്തിക്കരപ്പക്കിയാവാന്‍ മോഹന്‍ലാല്‍ കായംകുളം കൊച്ചുണ്ണിയുടെ ലൊക്കേഷനിലെത്തി- ഫോട്ടോകള്‍ കാണാം
റോഷന്‍ ആന്‍ഡ്രുസ് ചിത്രം കായംകുളം കൊച്ചുണ്ണിയുടെ ഭാഗമാകാന്‍ ഒടുവില്‍ മോഹന്‍ലാലെത്തി. കായംകുളം കൊച്ചുണ്ണിയുടെ ചിത്രീകരണം നടക്കുന്ന മാംഗ്ലൂര്‍ ലൊക്കേഷനിലാണ് മോഹന്‍ ലാല്‍ എത്തിയത്. ചിത്രത്തില്‍ ഇത്തിക്കരപ്പക്കിയായാണ് മോഹന്‍ലാല്‍ വേഷമിടുന്നത്.
നിവിന്‍പോളിയാണ് ചിത്രത്തിലെ കേന്ദ്ര കഥാപാത്രമായ കായംകുളം കൊച്ചുണ്ണിയായെത്തുന്നത്. സുഹൃത്തായ ഇത്തിരിപ്പക്കിയായിട്ടാണ് മോഹന്‍ലാല്‍ എത്തുന്നത്. ഇരുവരും ഒന്നിച്ചുള്ള രംഗങ്ങളും ആക്ഷനുകളുമാണ് സിനിമയുടെ ഹൈലൈറ്റും. പത്തൊമ്പതാം നൂറ്റാണ്ടില്‍ മധ്യതിരുവിതാംകൂറില്‍ ജീവിച്ചിരുന്ന കായംകുളം കൊച്ചുണ്ണിയെപ്പറ്റിയുള്ളതാണ് സിനിമ. അതുകൊണ്ട് അക്കാലത്തെ വേഷവിധാനങ്ങളായിരിക്കും കഥാപാത്രങ്ങള്‍ക്കും. ബോബി- സഞ്ജയ് ആണ് തിരക്കഥ ഒരുക്കിയിരിക്കുന്നത്. ശ്രീ ഗോകുലം മൂവീസ് ചിത്രം നിര്‍മ്മിക്കുന്നത്.
