മാതാ വൈഷ്ണോ ദേവി ക്ഷേത്രത്തില് തിക്കിലും തിരക്കിലും പെട്ട് 12 മരണം
ജമ്മു കാശ്മീരിലെ മാതാ വൈഷ്ണോ ദേവി ക്ഷേത്രത്തില് ഉണ്ടായ തിക്കിലും തിരക്കിലും പെട്ട് 12 പേര് മരിച്ചു. നികരവധി പേര്ക്ക് പരിക്കേറ്റു. പരിക്കേറ്റവരുടെ എണ്ണം സ്ഥിരീകരിച്ചിട്ടില്ല. ഇന്നു പുലര്ച്ചെയാണ് സംഭവം. പ്രധാനമന്ത്രി നേരിട്ട് രക്ഷാപ്രവര്ത്തനം വിലയിരുത്തുന്നുണ്ടെന്ന് കേന്ദ്രമന്ത്രി ജിതേന്ദ്ര ജെയ്ന് ട്വീറ്റ് ചെയ്തു. പുതുവര്ഷത്തോടനുബന്ധിച്ചത് പ്രാര്ത്ഥനയ്ക്കെത്തിയവരാണ് അപകടത്തില്പ്പെട്ടത്. സ്ഥലത്ത് രക്ഷാപ്രവര്ത്തനം പുരോഗമിക്കുകയാണ്. പരിക്കേറ്റവരെ നരെയ്ന ആശുപത്രിയിലേക്ക് മാറ്റി.
അനുമതിയില്ലാതെ ആളുകള് തള്ളിക്കയറിയതാണ് അപകടത്തിന് കാരണമെന്ന് അധികൃതര് വ്യക്തമാക്കി. അപകടത്തില് മരണപ്പെട്ടവരുടെ കുടുംബാംഗങ്ങള്ക്ക് പത്തു ലക്ഷം രൂപ ധനസഹായം പ്രഖ്യാപിച്ചതായി ജമ്മു കാശ്മീര് ലെഫ്റ്റനന്റ് ഗവര്ണര് മനോജ് സിന്ഹ അറിയിച്ചു. മരിച്ചവരുടെ കുടുംബത്തിന് പ്രധാനമന്ത്രി നരേന്ദ്ര മോദി അനുശോചനം അറിയിച്ചു. സംഭവത്തില് ഉന്നതതല അന്വേഷണം പ്രഖ്യാപിച്ചിട്ടുണ്ട്.
