വിയന്നയിലെ കേരള ആയുര്വേദ ഷോപ്പ് ഉടമ ലാല് കരിങ്കട അന്തരിച്ചു
വിയന്ന: കേരള ആയുര്വേദ ഷോപ് സ്ഥാപകനും, കമ്പനിയുടെ മാനേജിങ് ഡയറക്ടറുമായ ലാല് കരിങ്കട (50) നിര്യാതനായി. കേരളത്തിലായിരുന്ന ലാല്, സ്വയം ജീവതമവസാനിപ്പിക്കുകയായിരുന്നു. ജൂണ് 20ന് തിരുവനന്തപുരത്തായിരുന്നു അന്ത്യം.
വ്യവസായ രംഗത്തും സാമൂഹിക പ്രവര്ത്തന മേഖലയിലും തന്റേതായ വ്യക്തിമുദ്ര പതിപ്പിച്ച വ്യക്തിത്വത്തിന്റെ ഉടമയായിരുന്നു ലാല് കരിങ്കട. കരിങ്കട ആയുര്വേദ മാനുഫാക്ചര് യൂണിറ്റ്, യൂറോമാക്സ് എക്സ്പോര്ട്സ് എന്നീ സ്ഥാപനങ്ങളുടെയും തുറുപ്പുഗുലാന്, മൊണോപൊളി തുടങ്ങിയ ആല്ക്കഹോള് ബ്രാന്ഡുകളുടെയും സ്ഥാപകനായിരുന്നു.
സൗഹാര്ദ്ദപരമായ ഇടപെടലുകളിലൂടെയും ആയുര്വേദ ബിസനിസിലൂടെയും എല്ലാവരുടെയും ബഹുമാനവും വാത്സല്യവും നേടിയ അദ്ദേഹത്തിന്റെ വിവേചനമില്ലാത്ത വിയോഗം, കുടുംബാംഗങ്ങള്ക്കും സുഹൃത്തുക്കള്ക്കും സഹപ്രവര്ത്തകര്ക്കും മലയാളി സമൂഹത്തിനും ഏറെ ഞെട്ടല് ഉണ്ടാക്കി.
ഓസ്ട്രിയയിലെ മലയാളി സമൂഹം പ്രത്യേകിച്ച് വേള്ഡ് മലയാളി ഫെഡറേഷന് (WMF) ഓസ്ട്രിയയും അദ്ദേഹത്തിന്റെ മരണത്തില് അനിശോചിച്ചു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. അത്തരം ചിന്തകളുളളപ്പോള് കേരളത്തില് ഉള്ളവര് ‘ദിശ’ ഹെല്പ് ലൈനില് വിളിക്കുക. Toll free helpline number: 1056, 0471-2552056. ഓസ്ട്രിയയില് ഉള്ളവര് 142 എന്ന നമ്പര് ഉപയോഗിക്കുക. മറ്റുള്ളവര് അതാത് രാജ്യങ്ങളിലെ എമര്ജന്സി നമ്പറില് ബന്ധപ്പെടുക)
